တွေ့ ပါပြီ ကျွန်တော် နှစ်သက်သော မဂ္ဂဇင်းတစ်စောင် - သူ အမည်က IDEA တဲ့။
စတွေ့ ကတည်းက IDEA ဆိုတာနဲ့ စိတ်ဝင်စားသွားခဲ့တာ။
ခေတ်ကလည်း IEDA ခေတ်မဟုတ်လား။ မျက်နှာဖုံးပေါ်က ကောင်မလေးကတော့ ဘာမှမထူးခြားတဲ့ ကောင်မလေးပါပဲ။
ဒီလိုနဲ့  ပထမဦးဆုံးထူးခြားတာ ကဗျာ - သုခမိန်လှိုင်ရဲ့ကဗျာ- ဘာတဲ့ ..................
ဖတ်ပြီးတဲ့အခါ စိတ်ထဲမှ မတူညီတဲ့ အရသာတစ်ခုကို ကျေနပ်စွာ၇လိမ့်တယ်။
နောက် ကဗျာတွေ တစ်ပုဒ်ပြီးတစ်ပုဒ်။
အက်ဆေးတွေ တစ်ရွက်ပြီးတစ်ရွက်။
နောက် ကူးရေးမိတာတွေ ...
နောက် နောက် ဆက်ကာဆက်ကာ ဖတ်ချင်လာတဲ့ IDEA တွေ http://ideamagazine.blogspot.com/
Tuesday, August 11, 2009
ကျွန်တော်နှင့် IDEA မဂ္ဂဇင်း
Sunday, July 26, 2009
ကျွန်တော်နှင့်Radio
ကျွန်တော် Radio သိပ်ကြိုက်တယ်။ ငယ်ငယ်တုန်းက ၀ါတွင်းမှာ ခဏခဏကြားရတဲ့ ဗုဒ္ဓ၀င် ဇတ်လမ်းတွေကို အမြဲနားထောင်ခဲ့တယ်။
“ဖြစ်ပါမလား မောင်ကာလုရယ်၊” “ဖြစ်ပါတယ် အမတ်ကြီးရယ်” ၊
နောက် ဟာဒရရွှင်ဆေး - ဆိုနီ၊ မိုးကျော် စသည်ဖြင့်ပေါ့။ သိပ္ပံဆောင်ပါးတွေကို ပြောပြတဲ့အစီအစဉ်တွေလည်းနားထောင်ဖြစ်တယ်။
တော်လှန်ရေးနေ့ မှာလာနေကျ စစ်သီချင်းတွေက အစကြိုက်တယ်။ တကယ်ကောင်းတဲ အစီအစဉ်တွေပါပဲ။
ဒါပေမယ် 88 နောက်ပိုင်းမှာ မြန်မာ့အသံ လည်းဘယ်သူတွေက စီမံပြီး၊ ဘယ်လို ရည်ရွယ်ချက်တွေနဲ့  ခရီးသွားနေလဲမသိတော့ဘူး။
ချာတူးလန်တာထက်၊ အော့နှလုံးနာစရာတွေပဲ ကြားရတာ့ လူကြီးတွေကလည်း မဖွင့်၊ ဒီတော့ ကလေးတွေလည်း မကြားရ
BBC VOA ပဲ လူကြီးတွေက ဖွင့်နေတော့တာပါပဲ။
မြန်မာပြည်မှာ Radio ဆိုတာ မြန်မာ့အသံက လွှင့်နေတာဆိုတာတောင် လူငယ်တွေ မသိတော့ဘူး။နောက်ပိုင်း City FM ဖြစ်လာတော့ မှ Radio ကို ဖွင့် သီချင်းလေးနဲ့  ညိမ့်နေရတယ်။ တကယ်တမ်းကတော့ Radio က လူတွေနဲ့ အမြဲတမ်းရင်နှီးနေတဲ့ Media တစ်ခုပါ။
သူက ပေါ့ပါးတယ်၊ စရိတ်သက်သာတယ်။ ဒီတော့ လူတွေက နှစ်သက်။
ဒီဘက်ခေတ်မှာ mp3 player တွေ ပေါ်လာတော့ လူတွေ mp3 နောက် ပြေးလိုက်ပါတယ်။ ကျွန်တော်ကတော့ mp3 player ထက် Radio ကို ပို နှစ်သက်မိတယ်။ mp3 player မှာက ကိုယ်ထည့်ထားတဲ့သီချင်းပဲ နားထောင်ရတယ်။ ဘာတွေ ရှိနေလဲ သိနေတယ်။
ဒါတွေပဲ ထပ်ကာထပ်ကာ နားထောင်နေရတယ်။ နောက် အမြဲတမ်းဆိုသလို သီချင်း အဟောင်းဖျက်၊ အသစ်ရှာ အချိန်အတော်ပေးရတယ်။
ကျွန်တော်ကတော့ Live မဖြစ်ဘူးလို့ ခံစားရတယ်။
ကျွန်တော်ကတော့ Radio ပဲ။ သူက Live ဖြစ်တယ်။ ဒါပြီး ဘာလာမလဲမသိတော့ စိတ်လှုပ်ရှားရတယ်။ နောက် ဘာမှ အားစိုက်ပြီး သီချင်းလဲလှယ်ရတာ မရှိဘူး။ ဖွင့်ထားလိုက်ရုံပဲ။ နိုင်ငံခြားရောက်တော့ Radio Station တွေက အများကြီး၊
စိတ်တိုင်းကျပြောင်းနားထောင်လို့ ရတယ်။
အပြင်သွားရင် FM Radio ။ ကွန်ပျူတာ အရှေ့ အလုပ်လုပ်နေရင် Internet Radio ။
အရင်တုန်းက www.last.fm ကို နားထောင်တယ်။ သူက ပထမ Free ပေးပြီး၊ နောက် တစ်လ US $3ပေးရတယ်။ လအတော်ကြား US$3 ပေါင်းများစွာပေးပြီးနားထောင်ခဲ့တယ်။ သူက သီဆိုနေတဲ့  အနုပညာရှင်တွေအကြောင်းကို လည်း နားထောင်နေတုန်းမှာ ဖော်ပြပေးထားတယ်။
စိတ်ဝင်စားဖို့ ကောင်းတာပေါ့။ နောက် ကိုယ့်အကြိုက်သီချင်းတွေကို ကိုယ့်အတွက် ရွေးချယ်ပြီး သီသန့့် လွှင့်ပေးတယ်။ Rock ဆို Rock အမျိုးအနွယ်ပေါင်းများစွာကို ကိုယ်အတွက် လွှင့်ပေးတယ်။ Listener Taste အလိုက် သီးသန့် လွှင့်ပေးနေတာပေါ့။
ဒါပေမယ့် လစဉ် US 3$ ပေးရမယ်ဆိုတာမမေ့ပါနဲ့ ။
နောက် သူငယ်ချင်းတစ်ယောက်ပေးလို့ Nexus Radio (http://www.nexusradio.com/) နားထောင်ကြည့်တယ်။ သူက Free ။ Station တွေအများကြီး ရွေးပြီးနားထောင်လို့ ရတယ်။ Recording ပါ ရသေးတယ်။ ကောင်းတာပေါ့ဗျာ။ Nexus Radio လေးနဲ ညိမ့်နေတာ၊
အခု ဘာ Station နားထောင်နေလဲ -
1025 HITS FM (http://216.155.131.180:8592) Genre က Pop .
July Template
July မှာ Template တစ်ခုပြောင်းလိုက်တယ် ။
http://www.ourblogtemplates.com/
3 columns template ပါပဲ။
The "Read more..." function is available to shorten posts.
Almost all colors and fonts are easy to customize.
Blog Posts Edit buttons are fully functional.
Flexible number of sidebars.
Menubar below the header for easy navigation.
Page Elements တွေအများကြီး ထည့်လို့ ရတယ်။
Read More အတွက် code က ပါပြီးသား။
Setting > Formatting ရဲ့ 
Post Template မှာ
Summary
"span id="fullpost"
Deatil
"/span"
ထည့်ပေးရတယ်
template ကို ဒီမှာရနိူင်ပါတယ်
Saturday, July 25, 2009
ကျွန်တော်နှင့် blog များ
ကျွန်တော် blogspot, wordpress, Windows Live တော်တော်များများမှာ Blog ရေးခဲ့ဖူးတယ်။
ကျွန်တော်နှင့် ကိုယ်ပိုင် Wordpress Site
ကျွန်တော် အနှစ်သက်ဆုံးက Wordpress ကို ကိုယ်ပိုင် Site မှာ တည်ဆောက်ရတာ အကြိုက်ဆုံးပဲ။ ဒီလို တည်ဆောက်ထားတဲ့အခါ အခွင့်အရေးတွေ အများကြီးရလာတယ်။ Category တွေအများကြိး စိတ်တိုင်းကျ ခွဲလို့ ရလာတယ်။
plugin တွေလည်းလိုအပ်သလိုထည့်လို့ ရတယ်။ နောက် နည်းပညာပိုင်းလည်း အများကြီး သိနားလည်လာတယ်။ FTP , Hosting , Domain Name အစရှိသည်ဖြင့် နားလည်ခဲ့ရတယ်။
ဒါပေမယ့် ထိမ်းသိမ်းရတဲ့တာဝန်က အရမ်းကြီးတယ်။ အစအရာရာ ကိုယ့်ခြေကိုယ်လက် ဆိုပြီး ပျော်ရွှင်ရပေမယ့်။ Hosting မကောင်းလို့  site ကို ခေါ်မရတာ။ Database ပျက်စီးသွားမှာစိုးလို့  ပုံမှန် backup လုပ်ရတာ - ဒီဒုက္ခ တွေတော့ ရှိတာပေါ့။ တစ်နှစ်ပြီးတိုင်း နောက်တစ်နှစ်အတွက် Hosting ကြေး၊ Domain Name ကြေးတွေကလည်း အတော်ထောင်းတယ်။ နောက်နှစ် မလုပ်တော့ဘူး ရပ်မယ်ဆိုပြန်တော့လည်း လုပ်ခဲ့သမျှ သဲရေကျ ၊ ဘာမှ မကျန်ခဲ့မှာစိုးလို့ - ဆက်လက်ချီတက်ရပြန်ရော။ အကယ်၍များကျွန်တော် မရှိတော့ရင် ကျွန်တော်ဖန်တီးခဲ့သမျှတော့ သွားမှာပဲလို့  သင်္ခါရတရားကိုလည်း ဆင်ခြင်ရသေးတယ်။
ကျွန်တော်နှင့် Wordpress Site စာမျက်နှာ
ဒါနဲ့  ကိုယ်ပိုင် Wordpress ကို တည်ဆောက်ပြီးမှ၊ Wordpress Web Site မှာ blog ရေးပြန်တယ်။ သူများ Web Site မှာရေးရတော့ ပေါ့ရွှက်ရွှက်ကြီးဖြစ်သွားတယ်။ Interface က သိပ်မကွာပေမယ့် Hosting လည်းမရို၊ plunin လည်း စိတ်တိုင်းကျ မထည့်ရ၊ Theme ကလည်း လွတ်လွတ်လပ်လပ် မထည့်ရဆိုတော့ အားမရတော့ဘူး။ စိတ်သွားတိုင်းကိုင်မပါဘူး။ ဒါနေရာမှာ အားသာချက်တွေရှိပါတယ်။ ထိမ်းသိမ်းရတဲ့ တာဝန်လျော့သွားတယ်။ Hosting ကိစ္စ၊ Database အတွက် စိုးရိမ်ရတဲ့ ဒုက္ခ မရှိတော့ပါဘူး။ ကျွန်တော်မရှိတော့ရင်တောင် ကျွန်တော်ဖန်တီးရေးသားခဲ့တာတွေ Wordpress Site မှာ မပျောက်မပျက်ကျန်ခဲ့မှာပါ။
Windows Live
Windows Space 25 GB ကို မက်မောပြီး Windows Live ရဲ့  Space ဆိုတဲ့နေရာမှာblog ရေးဖူးပါတယ်။ တော်တော် အဆင်မပြေပါဘူး။ ဘာမှ Customize လုပ်လို့ မရ၊ Tag/ Label ကိုလည်း တခုထက်ပို ထည့်လို့ မရ၊ Theme ကလည်း မွဲချာနေတာပဲ၊
ကျွန်တော်နှင့် blogspot
သူကတော့ နာမည်ကြီးပေါ့။ နာမည်ကြီးလွန်းလို့  မြန်မာပြည်မှာ အပ်ိတ်ခံထားရတယ်။ မြန်မာနိုင်ငံသားတွေ အတွက် ကောင်းမှန်းသိပေမယ့် မမြည်းစမ်းနိုင်တဲ့ blogspot။
နိုင်ငံခြားရောက် မြန်မာတိုင်းကတော့ blogpost ကိုဘော်ပင်လို သုံးပြီး Internet စာမျက်နှာတွေ ရေးနိုင်တာပေါ့။ သူကတော့ လွယ်တယ် ။ ဘာမှ အထွေအထူးမပါဘူး။ Category ခွဲလို့ မရဘူး။ Page တွေ ဖန်တီးလို့ မရဘူး။ Interface ကလည်း ရိုးရှင်းတယ်။ wordpress လို ရှုပ်ထွေးမှု မရှိတော့ သုံးစွဲသူတွေ အရမ်းများပါတယ်။
personal အကြောင်းအရာတွေ ရေးမယ်ဆိုရင် blogspot ရိုးရိုးလေးနဲ့  အဆင်ပြေပါတယ်။ Zawgyi နှင့်လည်းအတော်အဆင်ပြေတော့ blogspot မှာ မြန်မာblog တွေ မှိုလို ပေါက်နေပါတယ်။ တကယ် ဖတ်ကောင်းတဲ့ personal blog တွေ လည်းအများကြီးပါ။
အခုဘာလို့  ကျွန်တော်blogspot ကို ရွေးပြီးဒီစာကို ရေးနေရတာလဲ။
ကျွန်တော် personal အကြောင်းတွေ ရေးမှာဖြစ်လိုပါ။
နောက် ကျွန်တော် စိတ်ယုတ်တဲသူတွေအုပ်ချုပ်တဲ့ မြန်မာနိုင်ငံမှာ မရှိလို့ ပါပဲ။ နောက် မြန်မာစာအတွက် အဆင်ပြေလို့ ပါပဲ။
Saturday, May 3, 2008
China opened the world's longest cross-sea bridge
China opened the world's longest cross-sea bridge on Thursday, linking the financial hub of Shanghai with the booming port city of Ningbo.
Thursday, May 1, 2008
အောင်မြင်မှု
(အောင်မြင်တယ်ဆိုတာ) သူများထက် သာသွားတာကို မဆိုလိ်ုဘူး။
ပြိုင်ပွဲမှာ ပထမရတာ၊ ရာထူမြင့်တာ၊ ဘွဲ့ ကြီးကြီးရတာ အောင်မြင်မှုအစစ် မဟုတ်ဘူး။
ကိုယ့်ဘ၀မှာ ကိုယ့်တကယ်လုပ်သင့်တဲ့အလုပ်၊ မြင့်မြတ်တဲ့အလုပ်ကို လုပ်တဲ့သူဟာ အောင်မြင်တဲ့သူဖြစ်တယ်။
ဘ၀မှာ အောင်မြင်တဲ့သူဟာ မုန်းတီးမှုမှာ အခြေခံတဲ့အလုပ်ကို ဘယ်တော့မှမလုပ်ဘူး။
မေတ္တာမှာအခြေခံတဲ့ အလုပ်ကိုသာလုပ်တယ်။
သူတပါးကို မုန်းတီးနေတဲ့သူ၊ အပြစ်တင်နေတဲ့သူဟာ အောင်မြင်တဲ့သူ မဖြစ်နိုင်ဘူး။
Wednesday, January 16, 2008
uneraseable
ပုံပြင်မဟုတ်ဘူး။
အမှန်တကယ် ဖြစ်ခဲ့ပျက်ခဲ့တယ်။
ကြားဖူးနားဝထဲမှာ၊
သင်အံဖူးတဲ့အထဲမှာ
ဖြတ်သန်းလာသမျှထဲမှာ
ဒီစာမျက်နှာရဲ့သွေးနံဟာ အညှီဆုံးပဲ။
လူတယောက်ကို
လက်ယဉ်ယဉ်နဲ့ သတ်နိုင်ဖို့ စနစ်တကျနဲ့ လေ့ကျင့်သင်အံ ခဲ့လိုက်ကြတယ်။
သူတို့ဟာ
သူတို့အလိုရမ္မက်အတွက် ကိုယ်သမိုင်းကို တံတွေးနဲ့ ရေးခဲ့ကြတာ။
သူတို့ ရောက်နေတဲ့ အရပ်ဟာ ချိုင့်ဝှမ်းမှန်း၊ တောင်တန်းမှန်း မသိအောင်
အတ္တတွေ ပိန်းပိတ်နေခဲ့တာ။
သူတို့ဟာ လက်တလုံးကြား လှည့်စားတတ်သလိုမျိုး
ဗြောင်လိမ်ဖို့လည်း ဝန်မလေးကြဘူး။
သူတို့ဟာ အံသြစရာ ကောင်းလောက်အောင်
အနှစ်နှစ်ဆယ်လုံလုံး လုပ်ဇာတ် ကနေခဲ့ကြတယ်။
ဆရာတော်ဦးဥတ္တမဟာ
မျက်ရည်ယိုဗုံး ပိန်းပိတ်နေတဲ့ကြားမှာ
ခေါင်းကို နံပါတ်ဒုတ်နဲ့ ခေါင်းအရိုက် မခံရခဲ့ရဘူး။
သွေးစိမ်းရှင်ရှင်တွေ ဘုရားမြေမှာ မစွန်းထင်းခဲ့ရဘူး။
ဆရာတော်ဦးဝိစာရဟာ
သေနတ်သံတွေကြားမှာ
သင်္ကန်းတဖားဖားနဲ့ မပြေးခဲ့ရရှာဘူး။
လက်ပြန်ကြိုးတုပ်ပြီး သေနတ်ဒင်နဲ့
အဆောင့်မခံခဲ့ရဘူး။
ဘယ်သူလက်ချက်မှန်း မသိဘဲ
ရေထဲမှာ အလောင်းမမျောခဲ့ရဘူး။
ဒါဟာ ဘာသာမတူ၊ လူမျိုးမတူသူတွေရဲ့ လက်အောက်
ကျွန်သဘောက်ဖြစ်နေတဲ့ အချိန်တုန်းကပေါ့
ဒါဟာ တို့သမိုင်းထဲ ရဟန်းအာဇာနည်တွေပေါ့ဒါတွေ အမှန်တကယ် ဖြစ်ခဲ့တယ်။
အခု မေတ္တာသုတ် ရွတ်သံတွေကို ယမ်းငွေ့နဲ့မှိုင်းတိုက်
ရွှေဝါရောင်သင်္ကန်းကို သွေးရောင်လွှမ်းနေခဲ့ကြ
အပြစ်မဲ့ပြည်သူတွေကို အမဲကောင်လို သဘောထား
ရွှေတိဂုံဘုရားရင်ပြင်ကို လူသတ်ကုန်းလို သဘောထားခဲ့ကြ
ဒါတွေ အမှန်တကယ် ဖြစ်ခဲ့ပျက်ခဲ့တယ်။
ကြည့်ကြ
ပါးစပ်က ဘုရားဘုရားဆိုသူက
ကို့ယို့ကားယားနိုင်တဲ့ လက်တွေ
ဝါဆိုသင်္ကန်း ကပ်ပြဖူးတဲ့လက်
ကထိန်သင်္ကန်း ကပ်ပြဖူးတဲ့လက်
ဆွမ်းဆန်စိမ်းလောင်း လှူပြခဲ့တဲ့လက်
ဘုရားထီးတော်ကို မတန်မရာ သယ်ပြဖူးတဲ့လက်
အဲဒီလက်တွေဟာ ဘယ်သံသရာရောက်ရောက်
ဖျက်မရနိုင်ခဲ့သွေးတွေနဲ့။
Subscribe to:
Posts (Atom)
Posts
